პრემიერმინისტრი გიორგი კვირიკაშვილი ,,ვილპელკომთან“ მიმდინარე მოლაპარაკებებში საფრთხეებს ვერ ხედავს.
გიორგი კვირიკაშვილის თქმით, მას მარეგულირებელ კომისიასთან და დავოსის ფორუმის ფარგლებში კომპანიის წარმომადგენლებთანაც ჰქონდა შეხვედრა. პრემეირის განცხცადებით, კომპანია საცალო კლიენტურის ბიზნესის შესყიდვას აპირებს და ის არ აპირებს შავ ზღვაზე გამავალი ოპტიკურ-ბოჭკოვანი, ან სხვა მაგისტრალური ინფრასტრუქტურის შეძენას.
„ეს არის შიდა ბიზნესი, რომლის შემთვევაშიც ვერანაირ საფრთხეს ვერ ვხედავ. ჩვენ გვყავს სხვა კომპანიები რუსული მონაწილეობით და ამაში მე რისკებს ვერ ვხედავ. საუბარია ქვენის შიგნით კლიენტურის ქსელის ბიზნესის შეძენაზე,“ - განაცხადა კვირიკაშვილმა.
,თავისუფალი დემოკრატების“ ლიდერი ირაკლი ალასანია ,,ვიმპელკომთან“ დაკავშირებით გადაზუსტებული ინფორმაციის გაასაჯაროვებს დღეს გეგმავს. როგორც მან გუშინ, ჟურნალისტებთან განაცხადა, მაგისტრალური ხაზი, რომლითაც საქართველო და კავკასია სარგებლობს შესაძლოა აღნიშნული კომპანიის ხელში აღმოჩნდეს.
“ინფორმაცია, რომ მოლაპარაკებები მიდიოდა ბუნებრივია დაახლოებით რამოდენიმე თვეა არსებობდა, მაგრამ ჩვენ სწორედ რამდენიმე დღის წინ გადავამოწმეთ და დადასტურდა ჩვენი ინფორმაციით, რომ არ მიდის მხოლოდ ამაზე საუბარი, არამედ მიდის საუბარი იმაზე, რომ ეს მაგისტრალური ხაზი, რომლითაც სარგებლობს საქართველო და კავკასია შეიძლება აღმოჩნდეს სწორედ ,,ვიმპელკომის“ ხელში იმიტომ, რომ ამაზე მიმდინარეობს მოლაპარაკება და ეს მოლპარაკება შევიდა დასკვნით ფაზაში. ხვალ ჩვენი წარმომადგენლები გამართავენ ბრიფინგს და უფრო დეტალურად გაუმხელენ საზოგადოებას ინფორმაციას,“ - განაცხადა ირაკლი ალასანიამ.
