,,ნაციონალური მოძრაობის“ წევრი ლევან ბეჟაშვილი აცხადებს, რომ ბოლო წლების განმავლობაში, ხელისუფლების ინტერესების გამოხატვა მედიასთან მიმართებაში გახშირდა.
„ბოლო 3 წლის განმავლობაში, მიუხედავად დეკლარირებული თავისუფლებისა, მედიასთან მიმართებაში ვხედავთ, რომ ხდება ცალკეულ ტელევიზიებთან მიმართებაში პერიოდულად ხელისუფლების ინტერესების გამოხატვა და ამ ინტერესების შესაბამისად მოქმედებების განხორციელება. ასეთი პროცესები მიმდინარეობდა რუსთავი 2-თან, იმედთან მიმართებაში, დღეს უკვე მაესტროა აქტუალური, მეცხრე არხის ყოფილი თანამშრომლები გადანაწილებული არიან საზოაგდოებრივი არხის კულუარებში“, - აღნიშნა ბეჟაშვილმა.
ტელეკომპანია „მაესტროს“ საკონტროლო პაკეტის მფლობელი გიორგი გაჩეჩილაძე გახდა. მან ტელეკომპანიის 55%-იანი წილი შეიძინა. დღეს მაესტროს" პარტნიორთა კრებამ ბაია გადაბაძე დირექტორის პოსტიდან მოხსნა და მის მოვალეობას ლევან გაჩეჩილაძე შეასრულებს.