ტელეკომპანია „მაესტროს“ საკონტროლო პაკეტის მფლობელი გია გაჩეჩილაძე ადასტურებს, რომ გასულ დღეებში პრემიერ-მინისტრს შეხვდა, თუმცა მისი თქმით საუბარი ,,მაესტროსთან“ დაკავშირებით არ ყოფილა. გაჩეჩილაძის თქმით, გიორგი კვირიკაშვილი მისი მეგობარია და ხშირად ხვდება მას.
"პრემიერ-მინისტრთან შეხვედრა მქონდა, ის ჩემი მეგობარია, ორ დღეში ერთხელ ვხვდები და რა არის პრობლემა? "მაესტროზე" არ გვისაუბრია. სხვა თემებზე იყო საუბარი. მეგობარს და ამხანაგს რაზე ვესაუბრები ამას არ ვიტყვი მედიას", - აცხადებს გაჩეჩილაძე.
ტელეკომპანია „მაესტროს“ საკონტროლო პაკეტის მფლობელი გიორგი გაჩეჩილაძე გახდა. მან ტელეკომპანიის 55%-იანი წილი შეიძინა. პრემიერ-მინისტრთან შეხვედრას არხის გენერალური დირექტორი ბაია გადაბაძეც ითხოვს.
