საპარლამენტო ფრაქცია „ქართული ოცნება - მრეწველების“ თავმჯდომარე გოგი თოფაძე პირდაპირ ეთერს ითხოვს. ჟურნალისტებმა თოფაძეს განცხადებასთან დაკავშირებით კომენტარი სთხოვეს თუმცა მან მედიასთან საუბარი არ ისურვა.
„პირდაპირი ეთერის გარეშე, კომენტარს არ გავაკეთებ. აქედან გადით, პატივს არ გცემთ. განსაკუთრებით, „რუსთავი 2“-ს პატივს არ ვცემ და დატოვეთ ოთახი“, - მიმართა ჟურნალისტებს თოფაძემ.
შეგახსენებთ, რომ ფრაქცია „მრეწველების“ ლიდერმა, გოგი თოფაძემ საქართველოს პრეზიდენტი გიორგი მარგველაშვილი გააკრიტიკა და აცხადებს, რომ პრეზიდენტმა ქართველი ხალხი დაუნებს შეადარა.
„თქვენ ხართ პირველი კაცი საქართველოში. თქვენი ყველა წინადადება, სიტყვა ანალიზდება და მინდა მოგახსენოთ თქვენი გამოანთქვამები ქართველ ხალხზე, ქართველ ერზე. ქართველი ხალხი თქვენ დაუნებს შეადარეთ, ძალიან სამწუხაროა, თუ თქვენ ასე აფასებთ საქართველოს მოსახლეობას, მაშინ არც პრეზიდენტობა უნდა გეკადრათ საქართველოში“, - განაცხადა გოგი თოფაძემ საგაზაფხულო სესიაზე, სადაც გიორგი მარგველაშვილი ყოველწლიური მოხსენებით წარსდგა.
