საქართველოს დიპლომატთა კლუბის წევრის მამუკა კუდავას შეფასებით, ევროსაბჭოს საპარალამენტო ასამბლეის ახალი პრეზიდენტის განცხადებაზე, უმრავლესობის რეაქცია, საქართველოს ინტერესების დამაზიანებელი იქნება.
მისი თქმით, მსგავსი არადიპლომატიური გამონათქვამებით გამოირჩევიან ავტორიტარული ქვეყნებს პოლიტიკოსები და დიპლომატები.
„მსგავსი არადიპლომატიური გამონათქვამებით გამოირჩევიან ავტორიტარული ქვეყნებს პოლიტიკოსები თუ დიპლომატები და უნდა მოერიდონ ასეთ შეფასებებს. თუ მათ სურთ, რომ არასწორ გზავნილებს აგზავნიდნენ შეუფერებელ დროს, ეს მათ იმიჯზე, ისევე როგორც მთელი ქვეყნის პრესტიჟზე მოქმედებს,“ - განაცხადა მამუკა კუდავამ.
შეგახსენებთ, რომ პედრო აგრამუნტმა თავის პირველივე გამოსვლაში გიგი უგულავა პოლიტპატიმრად მოიხსენია, რომელსაც ქართველი დეპუტატების მხრიდან კრიტიკული შეფასებები მოყვა. პედრო აგრამუნტი თავისუფალი დებატების დროს დეპუტატმა თედო ჯაფარიძემ გააკრიტიკა.
