საფინანსო-საბიუჯეტო კომიტეტის თავმჯდომარემ თამაზ მეჭიაურმა რეზერვების ხარჯვის შესახებ სებ-იდან ინფორმაცია გამოითხოვა.
მისი განმარტებით, აინტერესებს, რამდენად ეფექტურად გაიხარჯა ეს რეზერვები.
,,მაინტერესებს, როგორ იხარჯებოდა რეზერვები და როგორ აისახებოდა ეს ლარის კურსზე – რეზერვები, რომელიც გაიყიდა ამ პარასკევს. მაინტერსებს, რამდენად ეფექტურად დაიხარჯა ეს რეზერვები", - აღნიშნა დეპუტატმა და დასძინა, რომ შექმნილი სიტუაციიდან გამოსავალზე
მთავრობა ეროვნული ბანკთან ერთად მუშაობს.
საქართველოს ეროვნული ბანკის პრეზიდენტი გიორგი ქადაგიძე ლარის კურსთან დაკავშირებით, დღეს ბრიფინგს გამართავს. სებ-ის ინფორმაციით, გიორგი ქადაგიძის ბრიფინგი ეროვნულ ბანკში დღეს, 15:00 საათზე გაიმართება.
ეროვნული ბანკის მიერ დადგენილი კურსის მიხედვით, ეროვნული ვალუტა დოლართან მიმართებაში რეკორდულად გაუფასურდა. ერთი ამერიკული დოლარის ოფიციალური ღირებულება დღეს, 2.4923 ლარი გახდა
