ევროპის საბჭოს საპარლამენტო ასამბლეის ზამთრის სესიაზე, ინტერპარტიული ჯგუფის სახელით, დელეგაცია გაემგზავრება, რომლის შემადგენლობაშიც არიან: პაატა დავითაია, კახა კუკავა, გოჩა ჯოჯუა, და ზურაბ ხარატიშვილი შეხვედრები ვენეციის კომისიის მდივანთან გაიმართება და საარჩევნო კოდექსთან დაკავშირებულ საკითხებს განიხილავენ.
"ევროპული დემოკრატების" ლიდერი პაატა დავითაია "ქართულ ოცნებას" საარჩევნო კანონის საკუთარ თავზე მორგებაში ადანაშაულებს. მისივე განცხადებით, ევროსაბჭოს საპრლამენტო ასამბლეაზე ქართული დელეგაცია აუცილებლად ისაუბრებს, თუ როგორ აპირებს ხელისუფლება 2016 წელს არჩევნების მითვისებას.
"განხილული იქნება საარჩევნო კოდექსთან მიმდინარე საკითხები და მიწოდებული იქნება ინფორმაცია იმასთან დაკავშირებით, რომ ხელისუფლებამ არ გაითვალისწინა ევროპის საბჭოს არც ერთი რეზოლუცია", - განაცხადა პაატა დავითაიამ.