მოკლული ბიზნესმენის ბესიკ ხარძიანის ოჯახის ადვოკატი, მალხაზ სალაყაია არ გამორიცხავს, რომ მკვლელებს თბილისში ჰყოლოდათ თანამზრახველები. მისი განმარტებით, ბრალდებულები საზღვარს იარაღით ვერ გადმოკვეთდნენ. მისი თქმით, ცეცხლსასროლი იარაღი არ არის ქარხნული წესით დამზადებული და ემჩნევა გადაკეთების კვალი.
ადვოკატმა გამოძიების ინტერესებიდან გამომდინარე, დღეს მკვლელობის მოტივსა და დამკვეთებზე არ ისაუბრა, თუმცა გამოძიების მიმდინარეობა ზოგადად, დადებითად შეაფასა.
„მარშრუტი რომ გამოქვეყნდა გადაადგილების, მეტყველებს იმაზე, რომ მათ ძალიან კარგად იცოდნენ ხარძიანის პიროვნება. გამორიცხვა იმისა, რომ მათ ჰყავდათ თანამზრახველები, არ შეიძლება. ცეცხლსასროლი იარაღი არ არის ქარხნული წესით დამზადებული და ემჩნევა გადაკეთების კვალი“, - განაცხადა ადვოკატმა მალხაზ სალაყაიამ.