შემოდგომაზე საზოგადოება ივანიშვილის რეჟიმს გადაირჩევს და შემდეგი მთავრობა ანტიკრიზისული გეგმის შესრულებას დაიწყებს, აუცილებელია მანამდეც გადაიდგას კონკრეტული ნაბიჯები, რომ მდგომარეობა კიდევ უფრო არ დამძიმდეს, ამის შესახებ „ერთიანი ნაციონალური მოძროაბის“ საერთაშორისო მდივანმა გიგა ბოკერიამ განაცხადა.
„ლარი ისევ ეცემა, ხალხი ისევ ღარიბდება, ქართული ეკონომიკა უფსკრულის პირასაა, წლებია მივუთითებთ იმ მავნებლობებზე და ვაფრთხილებთ, რამაც ამ მდგომარეობამდე მიგვიყვანა“, - განაცხადა ბოკერიამ.
ბოკერიამ აღნიშნა, რომ მნიშვნელოვანია გადაიდგას კონკრეტული ნაბიჯები, რათა კიდევ უფრო არ დამძიმდეს ვითარება.
„ჩვენ შევიმუშავეთ ანტიკრიზისული გეგმა, რომელზეც ივანიშვილის ახალი პრემიერი დაგვპირდა რომ ვილაპრაკოთო, მაგრამ ახლა პასუხსაც არ იძლევა. რა თქმა უნდა ოქტომბერში ხალხი ივანიშვილის რეჟიმს გადაირჩევს და შემდეგი მთავრობა ამ ანტიკრიზისულ გეგმას შეასრულებს, მაგრამ მანამდეც მნიშვნელოვანია გადაიდგას კონკრეტული ნაბიჯები, რათა კიდევ უფრო არ დამძიმდეს ვითარება“, - აცხადებს ბოკერია.