ბიზნესმენ ბესარიონ ხარძიანის ვაჟი, ბესო ხარძიანი აცხადებს, რომ მნიშვნელოვანია დამკვეთის ვინაობა და არა ის, ვინ გაისროლა ტყვია. მოკლული ბიზნესმენის შვილი სავარაუდო დამკვეთების სახელებსა და გვარებს ასახელებს.
"ახალი არაფერი არ ითქვა. ეს ოჯახის წევრებმა ისედაც ვიცოდით. რაც შეეხება დამკვეთებს მამაჩემი სულ მეუბნებოდა, რომ მისი მოკვლა გია უდესიანს და რეზო ქურასბედიანს შეეძლო. დამკვეთებია მნიშვნელოვანი და არა ის ტყვია ვინ ისროლა. მოტივი იყო კუს ტბა და მიმდინარე დავები,"- აცხადებს ბესო ხარძიანი.
შეგახსენებთ, პროკურატურამ დღეს ბესიკ ხარძიანის მკვლელობის საქმე გახსნილად გამოაცხადა. ხარძიანის მკვლელობაში მხილებული არიან უკრაინის მოქალაქე, 31 წლის ოლეკსანდრ დამეტოვი და რუსეთის ფედერაციის მოქალაქე, 43 წლის ოლეგ დოევი.
