შეწყალების კომისიის ყოფილი ხელმძღვანელი ალეკო ელისაშვილი მის შესაძლო დაშანტაჟებას გამორიცხავს. ,,რუსთავი 2“- თან საუბარში მან განაცხადა, რომ სახელმწიფო უსაფრთხოების სამსახურის მხრიდან თვალთვალის მიუხედავად, მისი მაკომპრომენტირებელი ფაქტები ვერ იარსებებს.
,,კისერი უტეხიათ ახლა, წავიდნენ და მართლა ვინც არიან კორუმპირებულები და საძაგლები იმათ უთვალთვალონ, მეც მითვალთვალონ თუ არ ეზარებათ, იარონ ჩემთან ერთად და ქალაქს დავათვალიერებინებ ხოლმე სუს-ის თანამშრომლებს"- განაცხადა ალეკო ელისაშვილმა.
შეგახსენებთ, რომ ელისო კილაძის განცხადებით, შეწყალების კომისიის ყოფილი და მოქმედი თავმჯდომარეების დაშანტაჟება იგეგმება. ჟურნალისტის ინფორმაციით, პროცესებში აქტიურად ჩართულნი არიან დიასპორის მინისტრისა და სუს-ის უფროსის მოადგილეები. მისი თქმით, ელისაშვილისა და ქორიძის დაშანტაჟება პირადი ცხოვრების ამსახველი კადრებით იგეგმება.
