თბილისის მერის მოადგილის ნინო ხატისკაცის განცხადებით, შეუძლებელია გიორგი ლილუაშვილის დანიშვნა "პანორამა-თბილისთან" კავშირში იყოს. შესაბამის კითხვაზე პასუხად, ხატისკაცმა ასევე განაცხადა, რომ აღნიშნული პროექტის გარკვეული ნაწილი უკვე მიმდინარეობს.
"რეალურად "პანორამა-თბილისის" პროექტის გარკვეული ნაწილი უკვე მიმდინარეობს და მე ვერ ვხდები ლობიზმი რაში შეიძლება გამოიხატოს. სანებართვო ნაწილში, მაგალითად, ნებართვები გაცემულია. ნებისმიერ საკითხთან მიმართებაში ბატონი ლილუაშვილის პოზიცია არის ის, რომ ქალაქის ინტერესებია მთავარი და გადაწყვეტილება, რომელიც მიღებული იქნება, სწორედ აქედან უნდა გამომდინარეობდეს. აქედან გამომდინარე, ნებისმიერი გადაწყვეტილება მიღებული იქნება არა კერძო პროექტის ინტერესებიდან, არამედ ქალაქის ინტერსებიდან გამომდინარე", - განაცხადა ნინა ხატისკაცმა.
მისივე თქმით, გიორგი ლილუაშვილის საკურატორო სფერო სავარაუდოდ, იგივე იქნება, რაც მისი წინამორბედის. თუმცა, ხატისკაცმა აქვე დასძინა, რომ დეტალურ ინფორმაციას ამის შესახებ საზოგადოება, უახლოეს დღეებში მიიღებს.