ესპანელმა მეცნიერებმა ლას-პალმას-დე -გრან-კანარიის უნივერსიტეტიდან ჩაატარეს მასშტაბური ექსპერიმენტი, რათა დაემტკიცებიათ ის, რასაც ბევრი სავარაუდოდ, ადრეც ხვდებოდა.
კერძოდ, საუბარია იმაზე, რომ გარკვეული სახის პროდუქტებს შეუძლია ადამიანებში გამოიწვიოს დეპრესია, მაშინ როცა სხვები იღებენ მის სიმპტომებს.
10 წლის განმავლობაში მეცნიერები დაკვირვებას აწარმოებდნენ 15 ათასს ადამიანზე, რომლებიც თავდაპირველად არ იტანჯებოდნენ დეპრესიით, ისინი მათი კვების რაციონიდან გამომდინარე დაყვეს ჯგუფებად .
”ჯანსაღი დიეტის პრინციპების მინიმალური დაცვაც კი ამცირებს დეპრესიის განვითარების რისკს”, - ამტკიცებს კვლევის ავტორი ალმუდენა სანჩეზ ვილეგასი.
8,5 წლის შემდეგ 1550 ადამიანს, რომლებიც უპირატესად იკვებებოდნენ ტკბილეულით, ხორცით და არც თუ ისეთი ჯანსაღი პროდუქტებით, კლინიკური დეპრესია აღმოაჩნდა. მათი უმეტესობა ანტიდეპრესანტებს იღებდა. ხოლო, მათ ვისი დიეტაც ძირითადად შედგებოდა ხილის, ბოსტნეულის, პარკოსნების, კაკალისა და თევზისგან, დეპრესიის ნიშნები არ აღმოაჩნდათ. გარდა ამისა, სიმპტომები ქრებოდა, თუ ადამიანის საკვებ რაციონში შეყავდათ ”ჯანსაღი" პროდუქტები.
