ადამიანს ცრემლები ეხმარება დარდის მოხსნაში და გული უმსუბუქდება, რადგან ხდება ემოციური განმუხტვა. გარდა ამისა, როდესაც ვიმყოფებით სტრესულ ან შიშის მდგომარეობაში, რამოდენიმე წუთის სისუსტეს შეუძლია სიტუაციის გარკვევა და სწორი გადაწყვეტილების მისაღებად ყველაფრის თავის ადგილზე დალაგება. ცრემლები ასევე ამშვიდებს ადამიანს როცა ტკივა, სიხარულს განიცდის, ან თანაუგრძნობს ვინმეს - „იტირებ და თავს აუცილებლად მშვიდად იგრძნობ“, - აცხადებენ მეცნიერები.
სტრესისგან თავის დასაღწევად აუცილებელი არ არის იარო მედიტაციის ძვირადღირებულ გაკვეთილებზე ან ფსიქოთერაპევტთან. ცრემლები ნაკლებად როდი ეხმარება, ამასთან ის წარმოადგენს ბუნებრივი მექანიზმის ნაწილს, რომელიც ბუნების საჩუქარია.
ბოლო კვლევების თანახმად, ცრემლები სასარგებლოა არა მხოლოდ ემოციისა და ფსიქიკისთვის, არამედ ფიზიკური ჯანმრთელობისთვის. ცრემლები ეხმარება თავი დავაღწიოთ სტრესის ისეთ ჰორმონებს, როგორიცაა კორტიზოლი, რომელიც ხელს უწყობს ორგანიზმში ჰორმონების შეყოვნებას.
