პრემიერ-მინისტრი ირაკლი ღარიბაშვილი საქართველოს კათალიკოს-პატრიარქის ილია მეორის ინიციატივას ეხმიანება და „ყოველთა ქართველთა კონგრესის“ ჩატარებას სრულ მხარდაჭერას უცხადებს
"მივესალმები საქართველოს კათოლიკოს-პატრიარქის ინიციატივას “ყოველთა ქართველთა კონგრესის” ჩატარებასთან დაკავშირებით. ეს არის შესანიშნავი იდეა, რომლის განხორციელებაც საშუალებას მოგვცმეს მთელი მსოფლიოს მასშტაბით ქართველთა ყველანაირი რესურსის გაერთიანება და კონსოლიდაცია მოვახდინოთ. გამოვთქვამ სრულ მზადყოფნას, მაქსიმალურდ შევუწყო ხელი კონგრესის ჩატარებას. დარწმუნებული ვარ, ასეთი კონსოლიდაცია ხელს შეუწყობს ქართველი ერის გაერთიანებას და ქართული სახელმწიფოს გაძლიერებას,"- აცახდებს ირაკლი ღარიბაშვილი.
სრულიად საქართველოს კათოლიკოს-პატრიარქი ილია მეორე ქართველი ემიგრანტების აღწერისა და ყოველთა ქართველთა კონგრესის ჩატარების ინიციატივით გამოდის. ემიგრანტების პრობლემასთან დაკავშირებით პატრიარქმა დღეს, საკვირაო ქადაგებისას ისაუბრა.
