ფინეთმა უკრაინისთვის სამხედრო დახმარების 34-ე პაკეტი დაამტკიცა, რომლის ღირებულებაც 290 მილიონ ევროს შეადგენს, - ამის შესახებ ფინეთის პრეზიდენტი, ალექსანდერ სტუბი სოციალურ ქსელში წერს.
„უკრაინა მომავალი ზამთრისთვის ემზადება და მას ჩვენი მხრიდან მაქსიმალური მხარდაჭერა სჭირდება. დღეს ფინეთმა უკრაინისთვის თავდაცვის აღჭურვილობის დახმარების 34-ე პაკეტი დაამტკიცა, რომლის ღირებულება 290 მილიონ ევროს შეადგენს. პაკეტში შედის ის აღჭურვილობა, რომლის გადაცემასაც უკრაინა სასწრაფოდ ითხოვდა.
უკრაინა თავდაცვითი ბრძოლის მეხუთე წელში იმყოფება. ჩვენ უკრაინას მხარს ვუჭერთ, რადგან ეს მორალურად სწორი გადაწყვეტილებაა და იმიტომაც, რომ საქმე მთელი ევროპის უსაფრთხოებას ეხება -შესაბამისად, ფინეთის უსაფრთხოებასაც“, - წერს სტუბი.
