არასამთავრობო ორგანიზაციების "მწვანე ალტერნატივა" და "მწვანე მუშტის" წარმომადგენლებმა, დღეს, რუსთაველის თეატრთან, სადაც EBRD-ის ღონისძიება იმართება, აქცია გამართეს. აქციიის მონაწილეებს თან ჰქონდათ პლაკატები ინგლისურ ენაზე, "EBRD არ დააფინანსო დარიალი", "მდინარეები მხოლოდ ელექტროენერგიისათვის არ არის" და სხვა.
"მწვანე ალტერნატივის" წარმომადგენელი დავით ჭიპაშვილი ჟურნალისტებთან აცხადებს, რომ ისინი მიმართავენ EBRD-ს - არ დააფინანსოს მაღალი რისკის შემცველი პროექტები საქართველოში. მისივე თქმით, ეს პროექტები ძირითადად ინვესტორებისთვის არის მომგებიანი, საქართველოს მოსახლეობა კი ამით ვერანაირ მოგებას ვერ მიიღებს.
აქცია მოსწავლე ახალგაზრდობის სასახლესთანაც გაიმართება.
