,,ერთი ძალის მოკრება გვინდა გამარჯვებამდე, ძალა ერთობაშია”, _ასე ეხმიანება ,,ნაცმოძრაობის” წევრი ნუგზარ წიკლაური ,,ეროვნულ-დემოკრატიული” ინსტიტუტის კვლევის შედეგებს.
მისივე განცხადებით, ,,ქართული ოცნების” რეიტინგი კატასტროფულად დაეცა.
,,მატყობინებენ, რომ NDI კვლევის მიხედვით კატასტროფულად დაეცა ქართული ოცნების რეიტინგი. შარშანდელი 42%-დან 24%-მდე.ამავდროულად, პირველად არჩევნებში მარცხის შემდეგ ჩვენ მოვიმატეთ ერთბაშად 5 % და ახლა გვაქვს 16 %”, -წერს სოციალურ ქსელში წიკლაური.
ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, კითხვაზე ,,ხვალ, რომ საპარლამენტო არჩევნები ტარდებოდეს რომელ პარტიას დაუჭერდით ხმას” რესპოდენთა 24% კოალიცია ,,ქართულ ოცნებას, ,,ნაცმოძრაობას” გამოკითხულთა 16%, ,,თავისუფალ დემოკრატებს” კი გამოკითხულთა 5%, ,,პატრიოტთა ალიანს” 4%, ,,ლეიბორისტებს” კი 3%.
გამოკითხვა 2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა.
კვლევაში საშუალო ცდომილების ზღვარი არის +/- 2,3%.
NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).
