ყოფილი დიპლომატის ძმა ზურაბ კიწმარიშვილი ,,ჯი-ეიჩ-ენთან" საუბარში არ გამორიცხავს, რომ დაზარალებულად ცნობის მოთხოვნით დაკმაყოფილების შემთხვევაში ოჯახმა განმეორებითი, ან ახალი ექსპერტიზის ჩატარება მოთხოვოს.
,, გამოძიება, როგორც ვიცი ახალი ექსპერტიზის ჩატარების აუცილებლობას ვერ ხედავს. ყველა ექსპერტიზა, რომელსაც გეგმიური სახე ჰქონდა წინასწარ ვიყავი ინფორმირებული და ყველაფერს ვესწრებოდი, მაგრამ ახალა ექსპერტიზა არ იგეგმება. თუმცა ჩვენ როცა საქმეს გავიცნობთ, შესაძლოა, დავსვათ საკითხი რომელიმე ექსპერტის განმეორების, ან სხვა ახალი ექსპერტიზის ჩატარების შესახებ. ამისთვის კი საჭიროა ვიცოდეთ სადამდეა გამოძიება მისული და რა ჩანს, რა იკვეთება", _განაცხადა კიწმარიშვილმა
შეგახსენებთ, რომ 15 ივლისს რუსთავის მერობის ყოფილი კანდიდატი ეროსი კიწმარიშვილი მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. რამდენიმე დღის წინ კი ყოფილი დიპლომატის ეროსი კიწმარიშვილის ავტომანქანაში ბალისტიკური ექსპერტიზა ჩატარდა, როემლიც , ქალაქის მთავარ სამმართველოში სამ საათზე მეტხანს გაგრძელდა.
ექსპერტიზის შედეგად აღადგინეს ის სურათი, თუ რა მდგომარეობაში იყო ეროსი კიწმარიშვილი გარდაცვალებამდე.
ეროსი კიწმარიშვილი ძმა, ზურა კიწმარიშვილი ფიქრობს, რომ ეროსი კიწმარიშვილი გარდაცვალებამდე მარტო არ ყოფილა.
