დღეს ეროვნულ-დემოკრატიულმა ინსტიტუტმა (NDI) საზოგადოებრივი აზრის კვლევის შედეგები წარადგინა. კვლევამ აჩვენა, რომ გამოკითხულთა თითქმის 60 პროცენტი მხარს უჭერს საქართველოს ევროკავშირში ინტეგრაციას ევრაზიის კავშირში საქართველოს გაერთიანების ნაცვლად. გამოკითხულთა უმრავლესობა, 78 პროცენტი, მხარს უჭერს საქართველოს მთავრობის გაცხადებულ მიზანს საქართველო გახდეს ევროკავშირის წევრი.
გამოკითხულთა საკმაოდ დიდი ნაწილი, 79 პროცენტი, ინფორმირებულია, რომ 27 ივნისს საქართველომ ხელი მოაწერა ევროკავშირთან ასოცირების ხელშეკრულებას. რესპონდენტთა 69 პროცენტი მხარს უჭერს ამ მოვლენას, 8 პროცენტი უარყოფითად აფასებს, ხოლო 22 პროცენტს არ აქვს ჩამოყალიბებული პოზიცია.
სამუშაო ადგილები და ეკონომიკური მნიშვნელობის საკითხები კვლავაც ყველაზე მწვავეა მოსახლეობისთვის. შესაბამისად, 63 პროცენტი პრიორიტეტულ საკითხებს შორის ასახელებს სამუშაო ადგილებს და 32 პროცენტი - სიღარიბეს.
რაც შეეხება არჩევნებთან დაკავშირებულ საკითხებს, გამოკითხულთა 74 პროცენტი ფიქრობს, რომ ადგილობრივი თვითმმართველობის არჩევნები კარგად ჩატარდა. გამოკითხულთა 63 პროცენტი არ ეთანხმება ერთ-ერთი მაღალი რანგის სასულიერო პირის მოწოდებას ამომრჩევლებისადმი, არჩევნებში ხმა არ მიეცათ ერთ-ერთი პოლიტიკური პარტიისთის. რესპონდენტთა 44 პროცენტი ამართლებს ცესკოს გადაწყვეტილებას, აღნიშნული სასულიერო პირისგან მოეთხოვა განმარტება ამ მოწოდებასთან დაკავშირებით. და ბოლოს, მოსახლეობის 73 პროცენტი მიიჩნევს, რომ ეკლესია არ უნდა ერეოდეს წინასაარჩევნო კამპანიაში.
"ქართველები კვლავ მყარად უჭერენ მხარს საქართველოს ევრო-ატლანტიკურ სტრუქტურებში ინტეგრაციას. რაც შეეხება საშინაო პოლიტიკის საკითხებს, გამოკითხულები მიიჩნევენ, რომ ადგილობრივი თვითმმართველობის არჩევნები კარგად ჩატარდა, ხოლო ეკონომიკა, მათი აზრით, კვლავ ნელა ვითარდება." - ამბობს NDI საქართველოს დირექტორის მოვალეობის შემსრულებელი, კრისტინა ვილფორი. „მოსახლეობა ასევე აღნიშნავს, რომ სამუშაო ადგილები და სიღარიბე ეროვნული მნიშვნელობის საკითხებს შორის ყველაზე პრიორიტეტულია. თუ ხელისუფლების წარმომადგენლები ამ ინფორმაციას გამოიყენებენ პოლიტიკური გადაწყვეტილებების მიღებისას, მოსახლეობის მხარდაჭერას მოიპოვებენ".
კვლევა ამა წლის 23 ივლისიდან 7 აგვისტოს პერიოდში, საქართველოს მასშტაბით 3,338 პირისპირ ინტერვიუს წარმომადგენლობითი შერჩევის საფუძველზე ქართულენოვან მოსახლეობას შორის ჩატარდა. მასში ასახულია მოსახლეობისთვის ყველაზე მნიშვნელოვანი საკითხები, ასევე მოსახლეობის დამოკიდებულება დემოკრატიის, რეფორმების და საგარეო თუ საშინაო პოლიტიკის საკითხების მიმართ. კვლევაში საშუალო ცდომილების ზღვარი არის +/- 2.9%.
NDI- ის კვლევებს აფინანსებს შვედეთის ს ა ე რ თ ა შ ო რ ი ს ო თ ა ნ ა მ შ რ ო მ ლ ო ბ ი ს გ ა ნ ვ ი თ ა რ ე ბ ი ს ს ა ა გ ე ნ ტ ო (Sida) და ატარებს CRRC - საქართველო.
მასალის გამოყენების პირობები