უკრაინს პრემიერი აცხადებს, რომ უკრაინას რუსული „ჰუმანიტარული დახმარების" გარეშეც შეუძლია დონბასის გათავისუფლებული რაიონების დახმარებით უზრუნველყოფა. ეს განცხადება არსენიი იაცენიუკმა მთავრობის სხდომის დასასრულს გააკეთა. ინფორმაციას ამის შესახებ უკრაინული მედია ავრცელებს.
„რუსული ცინიზმის დონეს ზღვარი არა აქვს. ჯერ ისინი ტანკებსა და „გრადებს", ტერორისტებს, ბენდიტებს აგზავნიან, რომლებიც ხვრეტენ უკრაინელებს, შემდეგ კი წყალი და მარილი მოაქვთ",_ აცხადებს იაცენიუკი.
მისივე ინფორმაციით, დახმარების ფონდი ახლა დაახლოებით 6 მილიონ აშშ დოლარს შეადგენს რომლებიც გაეროს უმაღლესი კომისრის განკარგულებაში იმყოფება.
„ჩვენ როგორც უკრაინის მთავრობა, უკრაინის პრეზიდენტი ვაწვდით სურსათს და პირველადი დახმარების ნივთებს გათავისუფულ ტერიტორიებზე. ჩვენ, როგორც უკრაინის სახელმწიფოს შეგვწევს ძალა ვუზრუნველყოთ ჩვენი მოქალაქეები",_ განაცხადა პრემიერმა და აღნიშნა, რომ მთავრობა პირველადი აუცილებელი ნივთების შესაძენად დამატებით 10 მილიონ გრივნას გამოყოფს.
„აჯობებდა მათ ეს 300 კამაზი ცარიელი გამოეგზავნათ თავიანთი ბანდიტების წასაყვანად, მერე ჰუმანიტაული დახმარებაც არ გახდებოდა საჭირო",_ განაცხადა იაცენიუკმა.