ხვალ, 4 ივნისს, 12:00 საათზე, საქართველოს ეროვნულ კინოცენტრში ბათუმის საავტორო ფილმების მე-9 საერთაშორისო კინოფესტივალის პროგრამის და სიახლეების პრეზეტანცია გაიმართება.
ბათუმის საავტორო ფილმების მე-9 საერთაშორისო კინოფესტივალი მიმდინარე წლის 14-21 სექტემბერს გაიმართება.
პრეზენტაციაზე წარმოდგენილი იქნება: BIAFF კინოფესტივალის 2014 წლის პროგრამის მონახაზი, მასტერკლასები, სტუმრები, კინოჩვენებების ლოკაციები; BIAFF კინოსკოლა - კინოფესტივალზე სტუდენტებისთვის დაგეგმილია ერთკვირიანი ტრენინგების სერია; BIAFF 2014-ზე დაგეგმილი კო-პროდუქციის შეხვედრების პლატფორმა და ბლოგერების კონკურსი BIAFF კინოფესტივალის ფარგლებში.
ბათუმის საერთაშორისო კინოფესტივალი 2006 წელს დაარსდა. კინოფესტივალის ორგანიზატორი - ბათუმის ხელოვანთა სახლი "არგანი", ოფიციალური პარტნიორი - ქ. ბათუმის მერია.
კინოფესტივალის სპონსორები - საქართველოს ეროვნული კინოცენტრი, ბათუმის საერთაშორისო საკონტეინერო ტერმინალი, სასტუმრო „რედისონ ბლუ ბათუმი".
კინოფესტივალის მხარდამჭერები - კინოთეატრი „აპოლო", პოლონეთის ფილმების ინსტიტუტი, British Council, სასტუმრო „რჩეული ვილა", „HQ პროპაგანდა", ტურკომპანია „ვონდერლენდი".