1 ივნისს 13:00 საათზე, ბავშვთა დაცვის საერთაშორისო დღეს, საქართველოს პარლამენტის ეროვნული ბიბლიოთეკა მზიურის პარკში ღონისძიებას „მზის ფესტივალი - „ჩვენ ვხედავთ მზეს" შეუერთდება.
ღონისძიებაზე ეროვნული ბიბლიოთეკის მიერ ასტრიდ ლინდგრენის პრემიაზე (http://www.alma.se/en/) წარდგენილი მწერლები ზაზა აბზიანიძე, თამრი ფხაკაძე და თეა თოფურია ბავშვებს შეხვდებიან და თავიანთ შემოქმედებას გააცნობენ. ასევე მოეწყობა ასტრიდ ლინდგრენის პრემიაზე წარდგენილი ილუსტრატორის ნინო ჩაკვეტაძის ნამუშევრების გამოფენა.
