თბილისში აღმაშენებლის ხეივანში "მერსედესის" მარკის ავტომობილი გზის სავალი ნაწილიდან გადავიდა და ბოძს შეეჯახა.
შედეგად სამი ადამიანი დაიღუპა.
ავტომანქანა, სავარაუდოდ, გადაჭარბებული სიჩქარით მოძრაობდა.
ადგილზე მობილიზებული იყო სასწრაფო-სამაშველო დახმარების ჯგუფები, ასევე საპატრულო პოლიცია.
დაღუპულები ლევან სამხარაულის სახელობის ექსპერტიზის ბიუროში გადაასვენეს.
მომხდართან დაკავშირებით მიმდინარეობს გამოძიება.