ტერორისტების მიერ სლავიანსკის ტელეანძის მიმართულებით გახსნილი ცეცხლის შედეგად, უკრაინის ძალოვანი უწყების ორი თანამშრომელი დაიჭრა. იუწყება უკრაინული მედია.
ამავე დროს, რუსული სააგენტო ინტერფაქსი ავრცელებს ინფორმაციას, რომ დონეცკის მხარეში, კრასნოლიმანის რაიონში ბრძოლა მიმდინარეობს.
სააგენტო თვითმარქვია დონეცკის სახალხო რესპუბლიკის ცენტრალური საარჩევნო კომისიის თავმჯდომარეზე დაყრდნობით იტყობინება, რომ „რესპუბლიკის" ყველა რაიონში რეფერენდუმი წარმატებით მიმდინარეობს და მხოლოდ კრასნოლიმანის რაიონთან არის კავშირი დაკარგული, რადგანაც იქ, ბრძოლები მიმდინარეობს.
აღნიშნულ ინფორმაციას არც ერთი სხვა მედიასაშუალება არ ავრცელებს. ინფორმაციას კატეგორიულად უარყოფენ უკრაინის ძალოვანი სტრუქტურების წარმომადგენლები.
