სახელმწიფო სამედიცინო უნივერსიტეტის ჟვანიას სახელობის კლინიკაში ბავშვი დაიღუპა.
გარდაცვლილის დედის ინფორმაციით, მიზეზი ექიმების დაუდევრობა და არასწორი მკურნალობა გახდა.
ოჯახის ინფორმაციით ბავშვის მდგომარეობა კლინიკაში დამძიმდა და მეექვსე დღეს გარდაიცვალა.
მკურნალი ექიმის ინფორმაციით, ბავშვი ხშირად ავადმყოფობდა და ჯანმრთელობის თანდაყოლილი პრობლემების გამო სეფსისი განუვითარდა, რამაც გარდაცვალება გამოიწვია.
მომხდარს უკვე სწავლობს სამედიცინო საქმიანობის სახელმწიფო რეგულირების სააგენტო.
