დუბაიში მსოფლიოში ყველაზე დიდი პეპლების პარკის გახსნისათვის მზადება სრულდება.
„დუბაიში პეპლების პარკი 2 კვირაში გაიხსნება და მასში 35 ათასი, სხვადასხვა სახეობისა და ფერის პეპელა იცხოვრებს, რომლებიც ადაპტირებულნი არიან შესაბამის კლიმატურ პირობებთან"- აცხადებენ პარკის ხელმძღვანელები.
პარკი განთავსებულია ყვავილების ბაღში - Miracle Garden, რომელშიც 45 მლნ მეტი სხვადასხვა ყვავილია, სხვადასხვა კომპოზიციებში.
პეპლებისათვის 9 პავილიონი გაშენდა, რომლებიც 4,6 ათას კვ/მ-ზეა გაშენებული. პროექტის მენეჯერის ფარხან შეხსადას განცხადებით, დუბაის პეპლების პარკი მსოფლიოში პეპლების მეორე პარკი იქნება, მალაიზიაში არსებული ანალოგიური პარკის შემდეგ. იმის გათვალისწინებით, რომ პეპლები 14-24 დღე ცხოვრობენ ქალაქ ალ-აინში იმუშავებს სპეციალური ფერმა, სადაც მწერებს გამოიყვანენ. პეპლების მდგომარეობას სპეციალისტები დააკვირდებიან და მათ უსაფრთხოებაზეც იზრუნებენ.
