გვიან ღამით ინციდენტი მოხდა სააკაძის მოედანზე. არასამთავრობო ორგანიზაცია "თავისუფლებისა და მხარდაჭერის ცენტრის" ინფორმაციით, მათ წევრებს შინაგან საქმეთა სამინისტროს წარმომადგენლები მთელი დღე უთვალთვალებდნენ.
ვითარებაში გარკვევას ისინი თავად შეეცადნენ და მივიდნენ იმ მანქანასთან სადაც მათი ვარაუდით შინაგან საქმეთა სამინისტროს წარმომადგენლები მყოფებოდნენ.
არასამთავრობოების განმარტებით, მძღოლმა ამ დროს მოულოდნელად დაძრა ავტომანქანა, რა დროსაც უკან მდგომ მანქანას შეეჯახა. მათ წევრს კი შემთხვევით ფეხზე გადაუარა. დაშავებულს სამედიცინო დახმარების აღმოჩენა დასჭირდა.
ორგანიზაციამ ინციდენტის ამსახველი ვიდეომასალაც გაავრცელა.
შემთხვევის ადგილზე გვიანობამდე მუშაობდნენ ექსპერტ-კრიმინალისტები.
შსს ინფორმაციით, ადგილზე თვალთვალის პროცესი არ მიმდინარეობდა.
