მოლდოვის მთავრობამ გადადგომის შესახებ განცხადება გააკეთა. ამის შესახებ ინფორმაციას რული სააგენტოები ადგილობრივ მედიაზე დაყრდნობით ავრცელებენ.
მათი ინფორმაციით, მინისტრთა კაბინეტმა გადადგომის შესახებ გადაწყვეტილება დღეს მთავრობის სხდომაზე მიიღო, რადგან კონსტიტუციის მიხედვით ახალი პარლამენტის არჩევის და მისი პირველი სხდომის ჩატარებამდე მინისტრთა კაბინეტი ვალდებულია გადადგომის შესახებ განცხადება გააკეთოს.
"მოლდპრესის" ინფორმაციით, მოლდოვის ახლად არჩეული პარლამენტის სხდომა ხვალ, 28 დეკემბერს ადგილობრივი დროით 15:00 საათზეა დანიშნული.
ამასთან, კონსტიტუციის თანახმად ახალი მთავრობის არჩევასა და ფიცის დადებამდე ძველი მინისტრთა კაბინეტი მხოლოდ საზოგადოებრივი საქმიანობის კუთხით ასრულებს მოვალეობას.
