რუსეთის ძალებმა ხარკოვში ჰიპერმარკეტზე იერიში მიიტანეს.
ხარკოვის საოლქო ადმინისტრაციის ხელმძღვანელს ოლეჰ სინეგუბოვის ინფორმაციით, ამ დროისათვის ცნობილია ორი დაღუპულისა და 11 დაშავებულის შესახებ.
ამასთან, უკრაინის პრეზიდენტი ვოლოდიმირ ზელენსკი სოციალურ ქსელში წერს, რომ წინასწარი მონაცემებით, თავდასხმის დროს ობიექტში 200-ზე მეტი ადამიანი იმყოფებოდა. ცეცხლი 10000 კვ.მ. ფართობზეა გავრცელებული. ადგილზე მობილიზებულია ყველა შესაბამისი სამსახური, რომლებიც ადამიანების გადარჩენასა და ხანძრის ჩაქრობას ცდილობენ.
„მივმართავთ ყველა ლიდერს, ყველა სახელმწიფოს: ჩვენ გვჭირდება საჰაერო თავდაცვის გაძლიერება და საკმარისი შესაძლებლობები რუსი ტერორისტების გასანადგურებლად.
ამოცანა, რომელიც უნდა შესრულდეს და უნდა შესრულდეს მხოლოდ მსოფლიოსთან ერთად. ყოველდღე ჩვენ მოვუწოდებთ მსოფლიოს: მოგვეცით საჰაერო თავდაცვის სისტემები, გადაარჩინეთ ხალხი. ყოველი გადაწყვეტილება, რომელიც არ მიიღება მხარდაჭერის შესახებ, ჩვენი ადამიანების დკარგვას ნიშნავს“, - წერს უკრაინის პრეზიდენტი.
