სოფლის მეურნეობის დარგს ექსპორტის კუთხით უდიდესი პტენციალი გააჩნია, ამის შესახებ განცხადება საქართველოს პრემიერ-მინისტრმა
ათასწლეულის ფონდის აგრობიზნესის განვითარების პროექტის ფარგლებში დაფინანსებული პროდუქციის გამოფენა-დეგუსტაციაზე, განაცხადა.
"ეს პროექტი ჯამში ითვლის 20 მლნ. დოლარამდე გრანტს, რაც 15-16 მლნამდე თანადაფინანსებას მოითხოვდა. რა თქმა უნდა 36 მლნ დოლარის სოფლის მეურნეობა ვერ აყვავდებოდა. მაგრამ კარგი რამ მოხდა გაიხსნა 300-მდე კომპანია და დასაქმდა 2600-მდე ადამიანი. საქართველოს სოფლის მეურნეობას უდიდესი პერსეტივა გააჩნია რათა გახდეს ერთ-ერთი უმსხვილესი ექსპორტიორი ამ მიმართულებით"- განაცხადა ნიკა გილაურმა.
შეგახსენებთ, რომ დღეს "ექსპო-ჯორჯიაში" ათასწლეულის ფონდის აგრობიზნესის განვითარების პროექტის ფარგლებში დაფინანსებული პროდუქციის გამოფენა-დეგუსტაცია და პროექტის მიღწევების შემაჯამებელი ღონისძიება გაიმართება. 2007 წლიდან დღემდე სულ 283 საგრანტო პროექტი დაფინანსდა, საერთო თანხით 15.9 მილიონი აშშ დოლარი და ამდენივე ინვესტიცია იქნა მოზიდული თანადაფინანსების სახით, რითაც ათასწლეულის გამოწვევის პროგრამის ფარგლებში სოფლის მეურნეობაში ჩადებული ინვესტიციის ოდენობამ 32 მილიონ აშშ დოლარს მიაღწია. პროექტები საქართველოს ყველა რეგიონში ხორციელდება სოფლის მეურნეობის ისეთ სფეროებში, როგორიცაა მეცხოველეობა, მეფრინველეობა, მეფუტკრეობა, ხილისა და ბოსტნეულის წარმოება-გადამუშავება, საკონსერვო წარმოება და სხვ. და მიზნად ისახავს პირველადი წარმოების, მცირე და საშუალო საწარმოებისა და ფერმერთა მომსახურების ცენტრების განვითარებას მთელი ქვეყნის მასშტაბით. პროექტების განხორციელების შედეგად სოფლად 3,000-მდე ახალი სამუშაო შეიქმნა, არაპირდაპირი სარგებელი კი 100,000-ზე მეტმა ადამიანმა პოვა.
20,2 მილიონ დოლარიანი პროექტი პროექტი მიზნად ისახავს არსებული წვრილი ფერმერული მეურნეობების მომგებიან აგრობიზნესებად გარდაქმნას, რაც ხელს შეუწყობს რეგიონებში აგრობიზნესის განვითარებას და ახალი სამუშაო ადგილების შექმნას. პროექტის ფარგლებში გრანტები გაიცა თანადაფინანსების პრინციპით, პირველადი წარმოების, ფერმერთა მომსახურების ცენტრების, მცირე გადამამუშავებელი საწარმოების და უწყვეტი საწარმოო ჯაჭვის განვითარებისთვის საქართველოს რეგიონებში.
