საქართველოს სხვადასხვა უმაღლესი სასწავლებლის 120-მდე წარმომადგენელის მონაწილეობით საქართველოს პარლამენტში ევროპის ახალგაზრდული პარლამენტის - საქართველოს მე-4 ეროვნული სესიის გენერალური ასამბლეა გაიმართა.
ახალგაზრდული პარლამენტის წევრებს პარლამენტის თავმjდომარე დავით ბაქრაძე მიესალმა და მათ წარმატებული საქმიანობა უსურვა. პარლამენტის თავმjდომარემ ხაზი გაუსვა ახალგაზრდების მონაწილეობის მნიშვნელობას საქართველოს მომავალი ევროპული კურსის შემუშავებაში და ევროპულ სტრუქტურებთან ინტეგრაციის პროცესში.
"ევროპულ ოjახში დაბრუნება ხანგრძლივი პროცესია და ამ პროცესში განსაკუთრებული წვლილი სწორედ დღევანდელმა ახალგაზრდობამ, მათ შორის ახალგაზრდული პარლამენტის წევრებმა უნდა შეიტანონ", - განაცხდა ბაქრაძემ.
პარლამენტის თავმjდომარის განმარტებით, მთავარი ევროპულ ოjახში მენტალური დაბრუნებაა, რაც ევროპულ პოლიტიკურ მენტალიტეტში საქართველოს როგორც ევროპის ნაწილის, ხოლო ქართული საზოგადოების ევროპულ საზოგადოებად აღქმას გულისხმობს.
"ევროპა ჩვენი უალტერნატივო არჩევანია და ამ მიმართულებით თქვენი მუშაობა ქვეყანას დაეხმარება. ამიტომაც მნიშვნელოვანია თქვენი აქ ყოფნა", - განაცხადა ბაქრაძემ.
ბაქრაძე მოახლოებული ადგილობრივი თვითმმართველობის არჩევნების თემასაც შეეხო და აღნიშნა, რომ წინასაარჩევნო პროცესი მნიშნელოვნად განსხვავდება წინა არჩევნებისაგან. მისი თქმით დიდი პროგრესია, რომ კანდიდატთა ყურადღება უფრო მეტად პროგრამებსა და გასაკეთებელი საქმეებისკენაა მიმართული.
პარლამენტის თავმjდომარემ დადებითად შეაფასა ის ფაქტიც, რომ ცივილიზებული დებატების კულტურას ახალგაზრდები უკვე ეუფლებიან და პარლამენტისა და პარლამენტარიზმის მიმართ აკადემიური დამოკიდებულებას ამჟღავნებენ.
პარლამენტის პლენარულ სხდომათა დარბაზში შეკრებილ ახალგაზრდებს პროექტის წარმატებით განხორციელება მიულოცა და მისასალმებელი სიტყვით მიმართა თბილისის სახელმწიფო უნივერსიტეტის რექტორმა, პროფესორმა გიორგი ხუბუამ. მისი შეფასებით, მთავარი მიღწევა ის არის, რომ ქართულ ორგანიზაციას - ახალგაზრდულ პარლამენტს ევროპაში სერიოზულ პარტნიორად განიხილავენ.
"ევროპა საქართველოს მომავალია და პირველ რიგში ახალგაზრდობამ უნდა თქვას ამ საქმეში თავისი გამორჩეული სიტყვა. ახალგაზრდობა რთული გამოწვევების წინაშე დგას, მაგრამ პრივილეგიაც აქვს - გაუმარტივოს საქართველოს გზა ევროპული ინტეგრციისკენ, დაუბრუნოს იგი ევროპულ ორბიტას, რომელსაც იგი ბედის უკუღმართობის გამო რამდენიმე ათეული წლის წინათ მოწყვიტეს", - განაცხადა გიორგი ხუბუამ და ახალგაზრდებს ურჩია ევროპისკენ მისწრაფებებთან ერთად, არ დაივიწყონ ისტორიული გამოცდილება, რათა არ დაუშვან საბედისწერო შეცდომები.
დღევანდელ სხდომაზე სტუდენტებმა ქართულ-რუსულ ურთიერთობსა და უმაღლეს სასწავლებლებში არსებულ ვითარებაზე, ასევე უნივერსიტეტების თვითმმართველობაზე იმსjელეს. დებატების შემდეგ რამდენიმე რეზოლუციაც მიიღეს.
სხდომაზე ახალგაზრდულმა პარლამენტმა ევროპის ახალგაზრდული პარლამენტის საერთაშორისო სესიებში მონაწილეობის მისაღებად დელეგატები აირჩია. საერთაშორისო სესიები 2010 წლის შემოდგომაზე ლვოვში, ხოლო 2011 წლის გაზაფხულზე ათენში გაიმართება.
ქართველი ახალგაზრდები ევროპის ახალგაზრდული პარლამენტის საერთაშორისო სესიებში 2000 წლიდან მონაწილეობენ, ხოლო ევროპის ახალგაზრდული პარლამენტის წევრი საქართველო ოფიციალურად 2008 წლის აპრილში გახდა. ახალი წევრის მიღებას დიდ ევროპულ ოjახში მაშინ ორგანიზაციის 29 წევრმა დაუჭირა მხარი.
ევროპის ახალგაზრდული პარლამენტი აპოლიტიკური ორგანიზაციაა და მიზნად ისახავს საერთო ევროპულ ღირებულებებზე ცოდნის ამაღლებას, ახალგაზრდებში დამოუკიდებელი აზროვნებისა და სოციალურ-პოლიტიკური ინიციატივების ჩამოყალიბებას, საერთაშორისო კულტურათშორისი დიალოგის ხელშეწყობას, განსხვავებული იდეებისა და გამოცდილების გაზიარებას. ამჟამად ევროპის ახალგაზრდულ პარლამენტში 33 ქვეყანაა გაერთიანებული, გაწევრიანების უფლება აქვთ როგორც ევროკავშირის, ასევე ევროპის საბჭოს წევრ სახელმწიფოებს.
