შვედეთის საგარეო საქმეთა მინისტრმა, მარია მალმერ სტენერგარდმა საქართველოში მიმდინარე მოვლენებთან დაკავშირებით კომენტარი გააკეთა.
სტენერგარდის განცხადებით, მშვიდობიან მომიტინგეებზე ძალადობა მიუღებელია და შვედეთს სურს, რომ სანქციები დაუწესდეს პასუხისმგებელ პირებს.
"საქართველოს მთავრობის ქმედებები ეწინააღმდეგება იმ ღირებულებებსა და პრინციპებს, რომლებზეც დაფუძნებულია ევროკავშირი. ოქტომბრის საპარლამენტო არჩევნები ხასიათდებოდა არათანაბარი სათამაშო მოედნით, ფესვგადგმული პოლარიზებით, ამომრჩევლების მიმართ ზეწოლითა და მუქარით. მშვიდობიანი მომიტინგეების მიმართ ძალადობა მიუღებელია და შვედეთს სურს დაინახოს სანქციები პასუხისმგებელი პირების წინააღმდეგ. ამავდროულად, ჩვენ უნდა გავაგრძელოთ საქართველოში დემოკრატიული და პროევროპული მოძრაობების მხარდაჭერა", - განაცხადა სტენერგარდმა.
