საქართველოს სასჯელაღსრულების, პრობაციისა და იურიდიული დახმარების საკითხთა მინისტრი ხათუნა კალმახელიძე საქართველოს სხვადასხვა რეგიონში მოსახლეობასთან შეხვედრებს აგრძელებს.
დღეს მინისტრი და იურიდიული დახმარების სამსახურის დირექტორი ირაკლი კობიძე ბათუმელებს შეხვდნენ.
ღონისძიების მიზანი იყო საზოგადოების სამართლებრივი ცნობიერების ამაღლება და ინფორმირება უფასო იურიდიული დახმარების შესახებ.
ხათუნა კალმახელიძემ საზოგადოებას სამინისტროს სისტემაში მიმდინარე რეფორმები გააცნო. ხოლო ირაკლი კობიძემ და ადგილობრივი იურიდიული დახმარების ბიუროს იურისტებმა მოსახლეობის შეკითხვებს უპასუხეს.
მოქალაქეებს სხვადასხვა სამართლებრივ თემაზე მომზადებული საინფორმაციო მასალაც დაურიგდათ.
აღსანიშნავია, რომ სასჯელაღსრულების, პრობაციისა და იურიდიული დახმარების საკითხთა სამინისტროს იურიდიული დახმარების სამსახური მოქალაქეებს უფასო საადვოკატო მომსახურებასა და სამართლებრივ კონსულტაციებს უწევს. სამსახურის 11 ბიურო და 2 საკონსულტაციო ცენტრი თბილისში, მცხეთა-მთიანეთში, კახეთში, ქვემო ქართლში, შიდა ქართლში, სამცხე-ჯავახეთში, იმერეთში (ქუთაისი, ზესტაფონი), სამეგრელოში (ზუგდიდი, ფოთი), რაჭა-ლეჩხუმში, გურიასა და აჭარაში ფუნქციონირებს.
მასალის გამოყენების პირობები
