თურქეთის თავდაცვის სამინისტრომ განაცხადა, რომ თურქულმა გამანადგურებლებმა შავი ზღვიდან მოფრენილი „უკონტროლო“ დრონი ჩამოაგდეს.
უწყებამ განაცხადა, რომ შავი ზღვის თავზე თურქეთის საჰაერო სივრცესთან მიახლოებული „საჰაერო კვალი“ რუტინული პროცედურების ფარგლებში დაფიქსირდა.
„ჩვენი F-16 გამანადგურებლები, ნატო-ს და ეროვნული ძალების კონტროლის ქვეშ, საჰაერო სივრცის უსაფრთხოების უზრუნველსაყოფად აფრინდნენ“, - ნათქვამია განცხადებაში.
„დადგინდა, რომ საჰაერო კვალი ეკუთვნოდა უპილოტო საფრენ აპარატს, რომელიც კონტროლს არ ექვემდებარებოდა; ნეგატიური შედეგების თავიდან ასაცილებლად, ის დასახლებული ტერიტორიების გარეთ, უსაფრთხო ზონაში ჩამოაგდეს“, - განაცხადა უწყებაში.
თურქული მედიის ცნობით, დრონი ხმელეთზე ჩამოაგდეს და მისი იდენტიფიცირება მხოლოდ ნამსხვრევების ამოღების შემდეგ მოხდება.
ინციდენტი შავ ზღვაში რუსეთსა და უკრაინას შორის თავდასხმების გახშირების ფონზე მოხდა.
