ბრიტანელი მსახიობი კირა ნაიტლი მოკლემეტრაჟიან ფილმში კოკო შანელის როლს შეასრულებს. ფილმის რეჟისორია ცნობილი დიზაინერი, Chanel -ის სახლის კრეატიული დირექტორი კარლ ლაგერფელდი.
ლაგერფელდის ფილმით მოდის სახლი აპირებს აღნიშნოს საკუთარი 100 წლის იუბილე. გადაღებები დოვილში - მდიდრულ ფრანგულ კურორტზე გაიმართება, სადაც 1913 წელს კოკო შანელმა პირველი ბუტიკი თავისი საყვარლის, ბრიტანელი არისტოკრატის არტურ კეპელის ფულით გახსნა.
ნაიტლის გარდა, ფილმში გადაიღებენ მანეკენებს სტელა ტენანტს, ბრედ კრენინგს და მის 4 წლის ვაჟიშვილს ლაგერფელდის ნათლულს. როლი შეხვდება ასევე მსახიობს ტალულ ჰარლეშს -ლაგერფელდის მრავალწლიანი მუზის და ასისტენტის ამანდა ჰარლეშის ქალიშვილს. ფრანგი კლოტილდა ესმე შეასრულებს კოკო შანელის დის როლს. ფილმის პრემიერა სინგაპურში 2013 წლის მარტში შედგება.
27 წლის კირა ნაიტლი წარმოადგენს ბრენდ Coco Mademoiselle საფირმო სახეს. 79 წლის ლაგერფელდმა Chanel შოუსთვის უკვე ორი ფილმი გადაიღო : 2012 წელს "ფეას ისტორია" და 2011 წელს "გახსოვდს"
მასალის გამოყენების პირობები
