ტელეარხ The History Channel-ის მაყურებლებმა სერიალ „ბიბლიაში", სატანის როლში ამერიკის შეერთებული შტატების პრეზიდენტი, ბარაკ ობამა ამოიცნეს. ჯერ კიდევ სერიის ეთერში გასვლამდე, სატანის როლში მოთამაშე მსახიობ მუჰამედ მეჰდისა და ობამას მსგავსების შესახებ ჟურნალისტმა გლენ ბეკმა გაამახვილა ყურადღება და ამაზე საკუთარ „ტვიტერზეც" დაწერა. ამის შესახებ The Hollywood Reporter წერს.
სერიალის ავტორები კატეგორიულად უარყოფენ, რომ ეს შეგნებულად მოხდა. პროდიუსერების განცხადებით, არხის ხელმძღვანელობა დიდ პატივს სცემს ბარაკ ობამას და ხალხმა არჩეული მსახიობის გარეგნობა აშშ-ის პრეზიდენტის გარეგნობას რომ მიამსგავსა, ამის გამო წუხან.
„ბიბლიის" ავტორების განცხადებით, მსახიობი სატანის როლს სხვა სერიალებში მაშინაც ასრულებდა, როცა ბარაკ ობამა ჯერ კიდევ არ იყო ამერიკის შეერთებული შტატების პრეზიდენტი. სერიალი არხზე 2013 წლის 3 მარტს დაიწყო. მან კრიტიკოსების მაღალი შეფასება და მაყურებელში უპრეცედენტო რეიტინგი მოიპოვა.