ლაიფციგის წიგნის საერთაშორისო ბაზრობაზე საქართველოს სტენდი ოფიციალურად გაიხსნა.
კულტურის სამინისტროს ინფორმაციით, ლაიფციგის წიგნის ბაზრობის ფარგლებში, გერმანიაში გამოცემული ქართველი ქალი მწერლების ანთოლოგიის "იაგუარების ტექნო" პრეზენტაცია გაიმართა.
ავტორებს შორის ნინო ხარატიშვილი, ეკატერინე ტოგონიძე, თამთა მელაშვილი, ანა კორძაია-სამადაშვილი, ეკატერინე თხილავა, მაკა მიქელაძე და ნესტან (ნენე) კვინიკაძე არიან.
წიგნი გერმანულ ენაზე საქართველოს კულტურისა და ძეგლთა დაცვის სამინისტროს ფინანსური მხარდაჭერით გამოიცა.
პრეზენტაციას კულტურის მინისტრი გურამ ოდიშარია, წიგნის რამდენიმე ავტორი, რედაქტორები - მანანა თანდაშვილი და იოს გიპერტი და წიგნის ბაზრობის სტუმრები ეწსრებოდნენ.
ლაიფციგის წიგნის ბაზრობის ფარგლებში, ასევე ზაზა ბურჭულაძის რომანის "გასაბერი ანგელოზი" საჯარო კითხვა შედგა.
