დღეს, 14 მარტს, ცნობილ პიანისტს საქართველოს სახალხო არტისტს, სახელმწიფო პრემიის ლაურეატს, თბილისის სახელმწიფო კონსერვატორიის პროფესორს და სპეციალური ფორტეპიანოს კათედრის გამგეს გიზი ამირეჯიბს დიდუბის საზოგადო მოღვაწეთა პანეთეონში დაკრძალავენ.
გიზი ამირეჯიბთან გამოსთხოვარი ცერემონილი თბილისის კონსერვატორიაში გაიმართება.
გიზი ამირეჯიბი მძიმე ავადმყოფობის შემდეგ 86 წლის ასაკში გარდაიცვალა. იგი 1927 წელს თბილისში დაიბადა. იგი იყო საქართველოს დამსახურებული არტისტი, საქართველოს სახალხო არტისტი, სახელმწიფო პრემიის ლაურეატი, თბილისის სახელმწიფო კონსერვატორიის პროფესორი და სპეციალური ფორტეპიანოს კათედრის გამგე.
გიზი (თენგიზ) ამირეჯიბი მრავალი ქართველი პიანისტის აღმზრდელია, მათ შორის ოცზე მეტი პრესტიჟული საერთაშორისო კონკურსის ლაურეატია (მ.დოიჯაშვილი, ა.კორსანტია, ე.ბოლქვაძე, მ.ნადირაძე, თ.ლიჩელი, ხ. ბუნიათიშვილი და სხვ.).
გიზი ამირეჯიბმა 1950 წელს დაამთავრა მოსკოვის კონსერვატორია (კ. იგუმნოვისა და ლ. ობორინის კლასები). 1951 წელს ახალგაზრდობისა და სტუდენტთა მე-3 მსოფლიო ფესტივალზე (ბერლინში) ამირეჯიბი საპატიო სიგელით დააჯილდოვეს.
ამირეჯიბი თბილისის კონსერვატორიის ასპირანტურის (ფორტეპიანოს კათედრა, ხელმძღვანელი ანა თულაშვილი) დამთავრების შემდეგ ეწეოდა პედაგოგიურ და საკონცერტო მოღვაწეობას.
კონცერტებით გამოდიოდა რუსეთში, გერმანიაში, კანადაში, პოლონეთში, იუგოსლავიაში, აშშ-ში. განსაკუთრებული ადგილი მის რეპერტუარში ეჭირა შოპენის ნაწარმოებებს.
მნიშვნელოვანია თენგიზ ამირეჯიბის დამსახურება თანამედროვე ქართული მუსიკის შესარულების თვალსაზრისითაც; ის მრავალი ქართული საფორტეპიანო ნაწარმოების პირველი ინტერპრეტატორია.
გიზი ამირეჯიბს დიდუბის საზოგადო მოღვაწეთა პანეთეონში დაკრძალავენ.
