რუსეთის საგარეო საქმეთა მინისტრის სერგეი ლავროვის მტკიცებით, კუბაში მისი ვიზიტისას აფხაზეთის და ე. წ. სამხრეთ ოსეთის დამოუკიდებლობის აღიარების საკითხი განხილული არ ყოფილა. ამის შესახებ რუსეთის საგარეო უწყების ოფიციალურ განცხადებაშია ნათქვამი.
"ეს საკითხი განხილული არ ყოფილა", - ნათქვამია განცხადებაში.
მასში აღნიშნულია, რომ ოფიციალური მოსკოვი მიესალმება "მიხეილ სააკაშვილის აგრესიაზე რუსეთის საპასუხო ქმედებებთან დაკავშირებით კუბის მხარდაჭერას".
შეგახსენებთ, რომ ლავროვი კუბაში სამუშაო ვიზიტით გასულ კვირას იმყოფებოდა.
