,,რეალურად საზოგადოებაში უაღრესად დიდი მოლოდინის პერიოდია და ხალხი თავისი პრობლემების მოგვარებას ერთ პარტიას კოალიცია ,,ქართულ ოცნებას" უკავშირებს, რაც პარტიას უდიდეს პასუხისმგებლობას აკისრებს", _ განაცხადა ვეფხვაძემ და აღნიშნა, რომ ,,ქდმ" რეიტინგი აბსოლუტურად ნორმალურია, რაც ნიშნავს იმას, რომ ,,ქრისტიან-დემოკრატიული" მოძრაობა მომავლის პარტიაა.

,,იმისთვის, რომ პოლიტიკური პროცესები ნორმალურ ვითარებაში გადავიდეს გარკვეული დრო 6-8 თვე მაინც სჭირდება. ელექტორატის მაჩვენებელი, რომელიც ,,ქდმ" შეინარჩუნა აბსოლუტურად ნორმალურია იმ ვითარებაში რაშიც ქართული პოლიტიკური სივრცე იმყოფება. გარდა ამისა კვლევაში საინტერესოა ,,ქდმ"-ს მეორე მაჩვენებელი, რაც ნიშნავს იმას, რომ პოზიტიური დამოკიდებულება ,,ქრისტიან-დემოკრატიული" ლიდერები მიმართ არსებობს, რაც ნიშნავს იმას, რომ ჩვენი პარტია მომავლის პარტიაა", _ განაცხადა ლევან ვეფხვაძემ.

შეგახსენებთ, რომ NDI-მ პოლიტიკური პარტიის რეიტინგები გაახმაურა. Kკვლევის მიხედვით, კოალიცია ,,ქართულ ოცნებას" გამოკითხულთა 63% უჭერს მხარს, ,,ნაციონალურ მოძრაობას" 10%, ხოლო რესპონდენტთა 3% მხარს ,,ქდმ"-ს უჭერს.