ეკონომიკისა და მდგრადი განვითარების მინისტრის, ვერა ქობალიას განმარრტებით, ავიაკომპანია "ჩეხეთის ავიახახებმა" საქართველოს ბაზარი ქართული მხარის ან მგზავრთნაკადის სიმცირის გამო კი არ დატოვა, არამედ თავად კომპანიას გააჩნია ფინანსური პრობლემები და სწორედ ამიტომ იქნა მათი მხრიდან აღნიშნული გადაწყვეტილება მიღებული.
როგორც მინისტრი განმარტავს, „ჩეხეთის ავიახაზებისათვისაც" რთული იყო ზაფხულში საქართველოს ბაზრიდან გასვლა, თუმცა კომპანიის მენეჯმეტის მხრიდან აღნიშნული გადაწყვეტილება იქნა მიღებული, რაც თავად კომპანიის კრიზისს უკავშირდება.
მინისტრის თქმით, ანალოგიური პრობლემები აქვსს "air france"-საც და კიდევ რამდენიმე მსხვილ ავიაკომპანიას. ქობალიას განცხადებით, დაბალბიუჯეტიანი კომპანიები მსხვილ ავიაკომპანიებს საკმაოდ დიდი კონკურენციას უწევენ და სწორედ ამიტომ დიდ კომპანიებს პოზიციების დათმობა უწევთ.
როგორ ცნობილია "ჩეხეთის ავიახაზები" საქართველოდან ფრენებს ოფიციალურად 1-ლი ივნისიდან შეწყვეტს. საქართველოში ავიაკომპანიის წარმომადგენლობაში აცხადებენ, რომ თავდაპირველად „ჩეხეთის ავიახაზები" თბილისი-პრაღას მიმართულებით რეისებს ყოველდღიურად ასრულებდა, შემდგომ ავიაკომპანიამ რეისები კვირაში სამამდე შეამცირა, თუმცა დღეისათვის ავიაკომპანია კვირაში მხოლოდ 2 რეისს ასრულებს. 1-ლი ივნისიდან კი თბილისიდან ავიარეისებს საერთოდ შეწყვეტს.
