ლილუაშვილს 13 წელი - ეს უკვე არის ამ სახელმწიფოს სრულყოფილად გადასვლა ტერორის სახელმწიფოში, - ასე ეხმაურება საქართველოს მეხუთე პრეზიდენტი სალომე ზურაბიშვილი სუს-ის ყოფილი უფროსისთვის, გრიგოლ ლილუაშვილისთვის 13 წლით თავისუფლების აღკვეთის მისჯას.
სალომე ზურაბიშვილი ფიქრობს, რომ ლილუაშვილის დაკავება, შესაძლოა რუსეთის პერსონალური დაკვეთაც ყოფილიყო
:ლილუაშვილს 13 წელი - ეს უკვე არის ამ სახელმწიფოს სრულყოფილად გადასვლა ტერორის სახელმწიფოში... რაზე ისჯება ლილუაშვილი, რა არის ეს შურისძიება? - ეს დასჯა არ შეიძლება იყოს მხოლოდ კორუფციის და ქოლ-ცენტრების გამო, რადგან ეს ყველამ იცოდა, პირველ რიგში ივანიშვილმა და იმ გუნდმა. ბინები, სახლები, მანქანები, ეს ხშირად გამოდიცემოდა ტელევიზიით, ამიტომ აქ არაფერი არ იმალებოდა და აქ არ არის დამალული მგლის თავი. სხვა რამეშია საქმე. ეს ნათლად არის პოლიტიკური საქმე, როგორი პოლიტიკური საქმეც ნათლად არის ღარიბაშვილის. კორუფცია რომ არის ეს ვიცით, ვინ არ არის კორუფციაში ჩაფლული იმ დიდი გუნდიდან. პრაქტიკულად არ არსებობს ადამიანი, ვისზეც თავს დავდებთ, რომ ის ნამდვილად არ არის რაიმე გარიგებაში და არაფერ ფულს არ იღებს. ასეთი ადამიანები აღარ არიან, შეიძლება იყვნენ, მაგრამ აღარ არიან.
შეიძლება ვივარაუდოთ, რა ხდება - აქ არის დანაშაული პერსონალური ივანიშვილის წინაშე, თუ პერსონალური პოლიტიკური დანაშაული რუსეთის წინაშე? ეს ხომ არ არის რუსეთის შურისძიება? ეს ხომ არ არის რუსეთის დაკვეთა, რომ ამ უწყებაში, სუს-ში არ იყოს ადამიანი, რომელსაც ჰქონდა გამოცდილება, ასევე საერთაშორისო კონტაქტები და ნდობა.
სუს-ში გროვდებოდა ინფორმაცია, არვიცი დღესაც ასე არის თუ არა, რეგიონის სტაბილურობაზე, მეზობლებთან ურთიერთობაზე და მათზე ინფორმაციები, ამიტომ იყო ინტერესი ჩვენი პარტნიორების, რომ კარგი ურთიერთობები ყოფილიყო უწყებებს შორის. ეს ხომ არ არის მიზანი, რომ რუსეთი ცდილობს, რომ ჩვენ მოგვაქციოს სრულ იზოლაციაში, დაწყებული რეგიონის უსაფრთხოება, საქართველოს უსაფრთხოება. შეიძლება ეს იყოს მიზეზი, რის გამოც გრიგოლ ლილუაშვილი მათ თვალში იმსახურებდეს 13 წელს. მე არ ვიცი ისეთი დანაშაული, რომელცი ამდენი წლებით სასჯელს მოითხოვს. ვნახავთ, გაგრძელდება ეს საგა და მეტი ინფორმაციებიც გამოვა. შეიძლება მასაც აქვს ინფორმაციები, რაც შეუძლია მან გამოიტანოს, იმიტომ, რომ უკვე არანაირი იმედი, რომ მას შეღავათი ექნება, ალბათ არ აქვს და ხედავს, როგორი დაუნდობელია ის გუნდი, რომელსაც ის ემსახურებოდა. როგორც ამას ხედავს ალბათ ღარიბაშვილი და როგორც ალბათ გაიგებს ყველა ის ადამიანი, რომელიც რაღაც პერიოდი ემსახურებოდა გუნდს და მერე სახელმწიფოს.
დღეს ნამადვილად დაშლილი არის სუს-ის. ეს გაუთავებელი როტაციები ნიშნავს, რომ რეალურად არავის არ აქვს არც პასუხისმგებლობა, არც ბოლომდე არ ფლობს ინფორმაციასაც და არავის აღარ აქვს არანაირი ნდობა ჩვენი პარტნიორებისგან. თუ ეს იყო რუსეთის და რუსული ხელისუფლების მიზანი, ეს ნაწილობრივ თუ აარა მთლიანად მიღწეულია", - განაცხადა სალომე ზურაბიშვილმა.
