კანადამ რუსეთის წინააღმდეგ სანქციების ახალი პაკეტი დააწესა. ამის შესახებ კანადის საგარეო საქმეთა მინისტრმა ანიტა ანანდმა განაცხადა.
სანქციების სიას რუსეთის 38 იურიდიული და 24 ფიზიკური პირი დაემატა.
კანადის მთავრობის განცხადებით, შეზღუდვების მიზანია რუსეთის სამხედრო პოტენციალის კიდევ უფრო შემცირება. სანქციები მიმართულია რუსეთის თავდაცვის მრეწველობის სექტორის იმ წარმომადგენლების წინააღმდეგ, რომლებიც ბალისტიკური რაკეტების ტექნოლოგიების შემუშავებასა და კიბერსაქმიანობაში მონაწილეობენ.
ამასთან, სანქციების ახალი პაკეტი მიზნად ისახავს რუსეთისთვის უკრაინის წინააღმდეგ ომის ეკონომიკური ფასის გაზრდას. შეზღუდვები შეეხება ფინანსურ შუამავლებს, მათ შორის კრიპტოვალუტის ბირჟებს, რომლებიც რუსეთის სამხედრო ეკონომიკის მხარდაჭერას უწყობენ ხელს.
„კანადა ზომებს იღებს პუტინის შესაძლებლობის შესასუსტებლად, რომ უკრაინის ქალაქებზე დარტყმები განახორციელოს. ჩვენ მტკიცედ ვუჭერთ მხარს უკრაინას და გავაგრძელებთ რუსეთის წინააღმდეგ სანქციების დაწესებას, ვიდრე ის აგრესიას არ შეწყვეტს და უკრაინის სუვერენიტეტსა და ტერიტორიულ მთლიანობას პატივს არ სცემს“, – განაცხადა ანანდმა.
