21 მაისს, თბილისში თავისუფლების მოედანზე ტექნიკური მიზეზით დაგვიანებული სახალხო კრების საპროტესტო აქცია საზოგადოებრივი მაუწყებლის წინ გრძელდება. სახალხო კრების ლიდერები აცხადებენ, რომ ღამეს კრების აღმასრულებელი საბჭოს წევრები ტელევიზიასთან გაატარებენ. ლიდერებმა მხარდამჭერებს 22 მაისს საზოგადოებრივი მაუწყებლის შენობასთან 14:00 სთ-ზე მისვლისკენ მოუწოდეს.
"კრებას არც ჰქონია ილუზია, რომ ამ ხელისუფლებას ერთ დღეში შეცვლიდა. ჩვენ ბოლომდე ვიბრძოლებთ მიზნის მისაღწევად და არ დავიშლებით, სანამ ხალხი არ დაიშლება" - დასძნა კრების ერთ-ერთმა ლიდერმა ნონა გაფრინდაშვილმა.
მანამდე კი თავისუფლების მოედანზე გამართულ საპროტესტო აქციაზე სიტყვით გამოვიდნენ სახალხო კრების ლიდერები. მიტინგს მსახიობი გია ბურჯანაძე უძღვებოდა. ბურჯანაძემ განაცხადა, რომ აქცუაზე შეკრებილი საზოგადოება აქციაზე ყოფნას დიდხანს ყოფნას არ აპირებს და რომ "ხალხს 2013 წლამდე ლოდინი აღარ შეუძლია".
"ამ აქციებითა და ერთად დგომით ჩვენ უნდა გავაძევოთ დაბეზღება, მოსმენა, თვალთვალი, რომელსაც ეს რეჟიმი ახორციელებს. ასევე უნდა დამთავრდეს ქვეყნის ანექსია და ჩვენი ყველა უნდა დადგეს იმ ერთა შორის, რომელთაც ღირსება აქვთ შერჩენილი. მოვუწოდებ მთელს საქართველოს, რომ გამოვიდნენ და დადგნენ იმ ხალხის გვერდით, რომელიც დღეს აქაა შეკრებილი და იბრძვის დიქტატორული რეჟიმის წინააღმდე", - განაცხადა გია ბურჯანაძემ
ქართველ ხალხს სოლიდარობისკენ მოუწოდა "დემოკრატიული მოძრაობა ერთიანი საქართველოს" ლიდერმა ნინო ბურჯანაძემ.
"მინდა მოვუწოდო იმ ხალხს, რომლებისც ახლა ტელევიზორს უყურებს - დადექით ქართველი ერის გვერდით ჩვენ უნდა გადავარჩინოთ ქვეყანა და აუცილებელია გავაგონოთ მსოფლიოს ჩვენი ხმა", _ განაცხადა ბურჯანაძემ თავისუფლების მოედანზე მიმდინარე აქციაზე.
„სახალხო კრების" ერთ-ერთი ლიდერმა ნონა გაფრინდაშვილმა სიტყვით გამოსვლისას მიმართვა წაიკითხა და აღნიშნა, რომ "ჩვენ უფლება არ გვაქვს უმოქმედო მოწმეები ვიყოთ ჩვენი სამშობლოს დაკნინებისა და ქართული სახელმწიფოს ნგრევის პროცესისა". მან ქვეყნის ყველა მოქალაქეს, საზოგადოებრივ ორგანიზაციებსა და პოლიტიკურ ძალებს მოუწოდა, „ამ გადამწყვეტ ჟამს, ყველაზე მაღლა დააყენონ სამშობლოს ინტერესები ქართული სახელმწიფოს ღირსეული მომავლის მოსაპოვებლად"!
ამავე აქციაზე გახდა ცნობილი "სახალხო კრების" მიერ საერთაშორისო თანამეგობრობისადმი გაგზავნი მიმართვის შინაარსიც. მიმართვის ტექსტი „თავისუფლების მოედანზე" შეკრებილ მომიტინგეებს გააცნეს.
მიმართვაში საუბარია, რომ"დღევანდელი ავტორიტარული ხელისუფლების რეალური და არა ფასადური პოლიტიკა სრულ წინააღმდეგობაშია თანამედროვე დემოკრატიულ პრინციპებთან და ის ნეობოლშევიზმის მკვეთრ გამოვლინებას წარმოადგენს.
"სააკაშვილის ხელისუფლებაში ყოფნის ყოველი დღე საფრთხეს უქმნის ჩვენს სახელმწიფოებრივ, ეროვნულ ინტერესებს და რეგიონალურ სტაბილურობას. საქართველოს თითოეული მოქალაქე ყოველდღიურად სულ უფრო მეტი და მეტი პრობლემის პირისპირ დგას... ქვეყანაში არ არსებობს დემოკრატია, გათელილია მოქალაქის ყველა კონსტიტუციური უფლება; დაკარგულია ჩვენი ქვეყნის ტერიტორიის 20% და რეალურად არსებობს საფრთხე ქვეყანა კვლავ იქნეს ჩართული პროვოკაციაში, რითაც საფრთხე შეექმნება არა მარტო საქართველოს, არამედ, რეგიონალურ სტაბილურობას", - ნათქვამია მიმართვაში.
ხელისუფლების წარმომადგენლების მხრიდან კომენტარი არ გაეკთებეულა. მოგვიანებით სააგენტო "ჯი-ეიჩ-ენთან" საუბარში საპარლამენტო უმრავლესობის ერთ-ერთმა ლიდერმა დავით დარჩიაშვილმა "სახალხო კრების" მიერ გახმოვანებული გეგმის პირველ ნაწილი შეაფასა და აღნიშნა, რომ :სიახლეს" ვერ ხედავს. მისი თქმით, ოპოზიცია „ისევ იგივე წრეზე ტრიალებს".
„იმ ადამიანებს, რომლებიც ამას ხელმძღვანელობენ, თავისივე პროფესიაში ცოტა რომ წაეკითხათ, უნდა იცოდნენ, რომ ერთ მდინარეში ორჯერ არ შედიან. ისინი აცდენილნი არიან ეპოქას, რეალობას და ტრიალებენ ერთ წრეზე. თავისუფალი ქვეყანაა და კი ბატონო, იტრიალონ", - განუცხადა „ჯი-ეიჩ-ენს" დარჩიაშვილმა.
მისივე აზრით, ოპოზიციას ხელისუფლების შეცვლის არანაირი შანსი არ აქვს.
დაახლოებიტ 17:30 საათზე თავისუფლების მოედნიდან აქციის მონაწილეების საზოგადოებრივი მაუწყებლობის შენობისკენ დაიძრნენ. ისინი ტელევიზიისგან საეთერო დროის გამოყოფასა და აქციების ტრანსლირებას ითხოვდნენ. მათი თქმით, საზოგადოებრივი მაუწყებლის მეორე არხი, რომელიც პირდაპირ ეთერში გადასცემდა აქცია, ვერ ფარავს მთლიან საქართველოს და "საზოგადოებრივი მაუწყებელი არის ხალხის ტელევიზია და არა სახელმწიფოსი" და ამიტომ სწორედ საზოგადოებვიი მაუწყებლის პირველი არხით უნდა ხდებოდეს ტრანსლირება. პირველმა არხმა 20:00-საათიან საინფორმაციო გამოშვებაში აქციის რამდენიმე მონაკვეთები ჩართო.
"ჩვენ არ გვაკმაყოფილებს 5-წუთიანი სიუჟეტები, რომლებიც საზოგადოებრივი მაუწყებლით გავიდა. ჩვენ ფეხს არ მოვიცვლით აქედან, ვიდრე ყველა ჩვენი დაკავებული აქტივისტი არ განთავისუფლბდება", - განაცხადა ნინო ბურჯანაძემ საზოგადოებრივი მაუწყებლის წინ შეკრებილი საზოგადოების წინ სიტყვით გამოსვლისას.
"ველოდებით მომხრეების შემოერთებას და აქედან ფეხს არ მოვიცვლით, ბრძოლა გაგრძელდება სააკაშვილის რეჟიმის მოსასპობად. ხოლო იმისათვის, რომ ეს რეჟიმი მოისპოს საჭიროა ძალიან ბევრი ადამიანის თანადგომა", _ აცხადებდა ბურჯანაძე.
"ამ რაოდენობის ადამიანი კონკრეტული ნაბიჯების გადასადგმელად საკმარისია, თუმცა ჩვენ გვინდა, რომ ყოველივე უსისხლოდ მოხდეს და ამისათვის საჭიროა უფრო მეტი ადამიანი", _ აცხადებს ნინო ბურჯანაძე.
სახალხო კრების საპროტესტო აქციას ოპოზიციური პარტიები არ შეუერთდნენ.
კითხვაზე, რომ ამ წუთებში ხალხის მასა შეთხელებულია და არ არის იმ რაოდენობის, როგორც ეს დღის განმავლობაში იყო, ბურჯანაძემ უპასუხა, რომ ეს ასე იყო "ვარდების რევოლუციის" დროსაც, სადაც ღამით აქციაზე 500 კაცი რჩებოდა.
"ძალიან ვწუხვარ, რომ "ვარდების რევოლუციამ" ქვეყანას პროგრესის ნაცვლად ბევრი პრობლემები მოუტანა, რაც ჩვენი შვილების გადასახდელია", _ აღნიშნა მან. "თითებს დავიკვნეტ, თუ ეს ხელისუფლება დარჩა, დაიმახსოვრეთ ჩემი სიტყვები,"- განუცხადა ბურჯანაძემ ჟურნალისტებს.
ტელეკომპანია "რუსთავი 2-მა" საქართველოს შს მინისტრის ვანო მერაბიშვილის ინტევირუ აჩვენა, სადაც მინისტრმა პოლიციის წარმატებული რეფორმმის პარალელურად მიმდინარე აქციაზეც გააკეტა კომენტარი. მისი თქმით, პლიცია მოიქცევა ადეკვატურად, და ამ შემთხვევაში ადეკვატურია ის, რომ არავითარი რეაქცია არ ექნება ამ მოვლენებთან დაკავშირებით.
"პოლიცია მოიქცევა ადეკვატურად, და ამ შემთხვევაში ადეკვატურია ის, რომ არავითარი რეაქცია არ ექნება ამ მოვლენებთან დაკავშირებით. ყველამ დაინახა, რომ ყველა ის განცხადება, ყველა ის გეგმები, რაც ჰქონდათ ამ ადამიანებს იყო ყალბი და არასერიოზული. ამიტომ არასერიოზულ ქმედებებზე ჩვენ გვექნება სერიოზული რეაქცია ანუ არავითარი რეაქცია არ გვექნება", - განაცხადა მერაბიშვილმა.
"იმდენად ცოტანი, იმდენად სუსტები არიან ეს ადამიანები, რომ მათ არაფრის გაკეთება არ შეუძლიათ", - ასე უპასუხა ჟურნალისტის კითხვას შესაძლებელია თუ არა საქართველლოში დაბრუნდეს მხედრიონის დრო.
"ისინი ვინც ამ განცხადებებს აკეთებენ არიან ძალიან იზოლირებულები ამ საზოგადოებისაგან...ისინი ჩაკეტილნი არიან ერთ ვიწრო წრეში და ერთმანეთს ატყუებენ. მათი განცხადებები სრულიად არასერიოზულია. არანაირი მცირე საფუძველიც კი არ არსებობს რაიმე საფრთხის შემცველი... არა თუ მხედრიონის, მინდა გითხრათ, რომ ჩვენ წინ თუ წავალთ, თორემ უკან გზა ჩვენ არ გაგვაჩნია. არა მარტო იმიტომ, რომ ამ შემთხვევაში პოლიცია მუშაობს კარგად, არამედ, დღეს იმდენად სუსტები არიან ეს ადამიანები, რომ მათ არაფრის გაკეთება არ შეუძლიათ. არც იმის, რასაც ამბობენ და არც იმის მეასედის, რასაც ისინი ხშირად იქადნიან", - განაცხადა მერაბიშვილმა.
