ისრეალის პრემიერ-მინისტრმა ბენიამინ ნეთანიაჰუმ ის დანაპირები შეახსენა ობამას, რაც მან ისრაელს 2004 წელს მისცა.
ამასთან, ნეთანიაჰუ არ ეთანხმება ობამას განცხადებას, რომ პალესტინის სახელმწიფო 1967 წელს არსებულ ფარგლებში უნდა ჩამოყალიბდეს. ნეთანიაჰუს თქმით, ახლო აღმოსავლეთში 1967 წლის ომამდე არსებული საზღვრები, თავდაცვის თვალსაზრისით, დაუშვებელია.
მდინარე იორდანის დასავლეთ ნაპირას მდებარე დასახლებებში დაახლოებით 300 ათასი ებრაელი ცხოვრობს, ეს დასახლება კი ისრაელის საერთაშორისოდ აღიარებულ საზღვრებში არ შედის. საერთაშორისო კანონმდებლობით, ეს დასახლებები უკანონოდ აშენდა, თუმცა ისრაელი ამ ნორმებს სადაოდ ხდის.
შეგახსენებთ, ობამამ ისრაელს ოკუპაციის შეწყვეტიკენ მოუწოდა. მისი თქმით, ამიერიდან ისრაელმა აღარ უნდა წარმართოს ისეთი პოლიტიკა, რომლის შედეგადაც ასობით ათასი პალესტინელი თავს უუფლებოდ იგრძნობს და სიღარიბეში იცხოვრებს.
ებრაელების დემოკრატიული სახელმწოფოს შექმნა ოკუპაციის ხარჯზე არ უნდა განხორციელდეს.
