"სახალხო კრების" ლიდერის, ნონა გაფრინდაშვილის განცხადებით, ხელისუფლების ვერანაირი მოქმედება ვერ შეუშლის ხელს 21 მაისს დაგეგმილ აქციას
მისი თქმით, სახალხო კრებას შემუშავებული აქვს თანმიმდევრული მოქმედების გეგმა, გათვალისწინებულია ყველა ის სცენარი, რომლის მიხედვითაც შეიძლება მოვლენები განვითარდეს.
"ყველა იმ ადამიანის, თუნდაც ყველაზე გულწრფელი გულშემატკივრის თვითშემოქმედების საფუძველზე დაწყებული მოქმედება დიდი ალბათობით შეიძლება გახდეს პროცესების ხელის შემშლელი, რითაც სააკაშვილის წისქვილზე დაასხავს წყალს. სწორედ ამიტომ მოგიწოდებთ არ აყვეთ პროვოკაციას. იმოქმედებს სახალხო კრების შტაბი, მითითებების სრული დაცვით. ხალხის სიმრავლე ორგანიზებულობა და თანმიმდევრული მოქმედებები რეჟიმზე საბოლოო გამარჯვებას უზურნველყოფს ", - განაცხადა გაფრინდაშვილმა სახალხო კერბის ოფისში გამართულ საგანგებო ბრიფინგზე.
მისი თქმით, სრულიად საქართველოს მასშტაბით მობილიზებულია სახალხო კრების სამოქალაქო წინააღმდეგობის 74 კომიტეტი და 10 ათასობით მხრადამჭერი.
"ხვალ Yთბილისში 15:00 საათზე თავისუფლების მოადენზე და პარალელურად ბათუმში ერას მოედანზე საკუთარი ღირსებისა და კონსტიტუციური უფლებებისთვის ათაულობით ათასი ჩვენი თანამემამულე იკრიბება. იკრიბება ყველა ის ადამიანი, ვინც მზად არის ჩვენი ქვყენის გადასარჩენად ბოლომდე იბრძოლოს. სააკაშვილის ხელისუფლებამ მოსალოდენლი დასასრულის მოახლოების შიშით ჩვენს აქტივისტებზე, მხარდამჭერებზე და მომხრეებზე ფიზიკური, მორალური და ფსიქოლოგიური ტერორის მექანიზმები გააქტიურა, რაც გამოიხატება ჩვენი მხარდამჭერების დაკავებით, მოტაცებებით, უმოწყალო ცემის ფაქტებით, სატელეფონო ტერორით და სხვა მსგავსი ფაქტებით. სააკაშვილის უგუნური და დამნაშავე ხელისუფლება ყოველდღე ყოველი მსგავსი მოქმედებით თავის დასასრულს სულ უფრო მეტად უახლოვვდება", - აღნიშნა გაფრინდაშვილმა.
მიტინგის დასრულების შემდეგ სახალხო კრების ლიდერებმა გააკეთეს განცხადება რომლის მიხედვითაც რამდენიმე წუთის წინ პურის მოედანზე პარტიის მხარდამჭერი მიშა ნანიტეიშვილი დააკავეს.
