ლიბერთი ბანკი იწყებს კონკურსს "გაამხნევე შენი გუნდი". კონკურსის მიზანია, გამოვლინდეს ქართული სპორტის საქომაგო სლოგანი. მისი ავტორი 1 500-ლარიანი ანაბრით "პატრიოტი ქომაგი 2011" დასაჩუქრდება. გარდა ამისა, გამარჯვებულ სლოგანს გადაიტანენ საქართველოს რაგბისა და კალათბურთის ეროვნული ნაკრებების სავარჯიშო მაისურებზე, რომლითაც ისინი მსოფლიო თასსა და ევროპის ჩემპიონატზე საასპარეზოდ მოემზადებიან.
კონკურსში მონაწილეობის მიღება ნებისმიერ მსურველს შეუძლია. ამისათვის საჭიროა "დაალაიქონ" გვერდი facebook.com/qomagi და კომენტარის სახით ლიბერთი ბანკს მისწერონ სლოგანის საკუთარი ვერსია, ან გაგზავნონ ელექტრონული ფოსტით მისამართზე qomagi@libertybank.ge. შესაძლებელია, სკაიპის გამოყენებაც: libertybank.ge
სლოგანების მიღების ბოლო ვადაა 25 ივნისი. სლოგანი არ უნდა აღემატებოდეს 5 სიტყვას (კავშირებსა და შორისდებულებს გარდა).
ყოველ სამშაბათს შესული სლოგანებიდან ჟიური 5 საუკეთესოს შეარჩევს, რომელთაგან მხოლოდ ერთი გახდება კვირის გამარჯვებული. კვირის გამარჯვებული გამოვლინდება ლიბერთი ბანკი-ს facebook-ის გვერდზე like-ების რაოდენობის მიხედვით.
"კვირის სლოგანის" ავტორი საქომაგო მაისურით დასაჩუქრდება.
კვირის გამარჯვებულ ოთხ სლოგანს შორის 30 ივნისს საქართველოს ეროვნული ნაკრებების წევრების მიერ გამოვლინდება მხოლოდ ერთი საბოლოო გამარჯვებული, რომელიც საჩუქრად მიიღებს 1500 ლარის ოდენობის ანაბარს "პატრიოტი ქომაგი 2011".
კონკურსში გამარჯვებული სლოგანისა და მისი ავტორის ხელმოწერის გადატანა მოხდება რაგბისა და კალათბურთის ეროვნული ნაკრების სავარჯიშო მაისურებზე.
