ქრისტიან-დემოკრატები ხელისუფლებას ჩერქეზთა გენოციდის "ფართხაფურთხით" აღიარებას საყვედურობენ.
როგორც "ჯი-ეიჩ-ენს" ფრაქცია ქრისტიან-დემოკრატების თავმჯდომარემ, გიორგი ახვლედიანმა განუცხადა, რა ძალადობირვი ქმედებებიც იყო განხორციელებული რუსეთის იმპერიის მიერ ჩერქეზებზე 150 წლის წინ, ბუნებრივია ამაზე არავინ კამათობს და ეს ერთმნიშვნელოვანი ფაქტია.
"თუმცა როდესაც ვსაუბრობთ კონკრეტულ პროცედრაზე, რომელსაც ჰქვია გენოციდის აღიარება, ამას სულ სხვა ტექნიკური პროცეუდრები და დიდი ფაქტობრივი ისტორიული და დოკუმენტური მასალა სჭირდება. ამ სტატუსის განსასაზღვრად მინდა აღვნიშნო, რომ საქართველოს სამეცნიერო წრეებშიც აღნიშნულ საკითხზე ერთმნიშვნელოვანი პოზიცია არ არის", - განაცხადა ახვლედიანმა.
ახვლედიანის თქმით, მათი პოზიციაა, რომ ასეთი მნიშვნელოვანი საკითხის ასე დაჩქარებულად და "ფართხაფურთხით" განხილვა არ უნდა მომხდარიყო.
მისი თქმით, თუ უმრავლესობა ჩერქეზთა გენოციდის აღიარების საკითხის პასუხისმგებლობას აიღებს, მაშინ მათვე უნდა აიღონ პასუხისმგებლობა იმ მოვლენებზე, რაც ამ პროცესებს მოჰყვება.
