6 მაისს, 11:00 საათზე, საქართველოს სპორტისა და ახალგაზრდობის საქმეთა სამინისტროს საკონფერენციო დარბაზში გაიმართება სპორტის სამინისტროს, საქართველოს მკლავჭიდის ფედერაციისა და კომპანია "ნატახტარის" ერთობლივი პრესკონფერენცია, რომლის დროსაც გაფორმდება მემორანდუმი კომპანია „ნატახტარის" და საქართველოს მკლავჭიდის ეროვნულ ფედერაციას შორის.
მემორანდუმის თანახმად, „ნატახტარი ექსტრა", მომდევნო ერთი წლის განმავლობაში, გახდება საქართველოს მკლავჭიდის ეროვნული ფედერაციისა და ეროვნული ნაკრების გენერალური სპონსორი. ღონისძიებაში მონაწილეობას მიიღებენ და მედიის წარმომადგენლების კითხვებს უპასუხებენ: სპორტისა და ახალგაზრდობის საქმეთა მინისტრის მოადგილე დავით ნამგალაური; კომპანია „ნატახტარის" მარკეტინგის დირექტორი თორნიკე ნიკოლაიშვილი; ფედერაციის პრეზიდენტი ერეკლე გურჩიანი და ფედერაციის ვიცე-პრეზიდენტი გიორგი თვალიაშვილი.
მემორანდუმის გაფორმების შემდეგ, პრესკონფერენციის მონაწილეები იმსჯელებენ მოახლოებულ ევროპის ჩემპიონატსა და საქართველოს ეროვნული ნაკრების მომზადების პროცესზე. ცნობილია, რომ 8 მაისს, თურქთში, ქალაქ ანატალიაში იწყება ევროპის ჩემპიონატი მკლავჭიდში, რომელშიც მონაწილეობას ჩვენი ნაკრების 25 წევრი მიიღებს. მნჲშვნელოვანია, რომ შეხვდრაზე ასევე შეფასდება ქართველი სპორტსმენების დონე, თავის მხრივ პროგნოზს გააეკეთებენ მკალვჭიდელებიც.
კომპანია „ნატახტარი", როგორც საზოგადოებრივად აქტიური ბიზნეს ორგანიზაცია, გამოირჩევა მაღალი სოციალური პასუხისმგებლობით და აცნობიერებს მის მნიშვნელობას ქვეყნისა და რეგიონის განვითარებაში. კომპანია უკვე არის რამოდენიმე სპორტის სახეობის სპონსორი და მუშაობს ქომაგთა კლუბების მ მიმართულებითაც. ამგვარი ხერხებით იგი ცდილობს დაეხმაროს ქართულ სპორტს და ხელი შეუწყოს ჯანსაღი ცხოვრების წესის ჩამოყალიბებას.
